Daily Latest News from Kanhangad, Kasaragod, Nileshwaram, Panathur, Konnakkad Parappa, Periya, Kanhangad Vartha Janmadesam News,kanhangad railway station, Latest News, kvatha SN Polytechnic, NMIT Nileshwaram, Nithyananda,Ananda Ashramam kanhangad to kozhikode train time

മമ്മൂട്ടി ചിത്രത്തിലെ സന്തോഷ് പണ്ഡിറ്റ് സുന്ദരനാണ്! ചിത്രം വൈറല്‍

സ്വന്തം കഴിവ് കൊണ്ട് മലയാള സിനിമയെ ഞെട്ടിച്ച താരമായിരുന്നു സന്തോഷ് പണ്ഡിറ്റ്. മോശം അഭിപ്രായങ്ങളിലൂടെയായിരുന്നു സന്തോഷ് പണ്ഡിറ്റ് ശ്രദ്ധിക്കപ്പെട്ടിരുന്നതെങ്കിലും പിന്നീട് അദ്ദേഹത്തെ പലരും അംഗീകരിക്കാന്‍ തുടങ്ങിയിരുന്നു. സ്വന്തമായി നിര്‍മ്മിക്കുന്ന സിനിമയില്‍ മാത്രം അഭിനയിച്ചിരുന്ന സന്തോഷ് പണ്ഡിറ്റ് ഇപ്പോള്‍ മമ്മൂട്ടി നായകനായി അഭിനയിക്കുന്ന സിനിമയില്‍ പ്രധാന വേഷത്തിലും എത്തുകയാണ്.
അജയ് വാസുദേവ് സംവിധാനം ചെയ്യുന്ന മാസ്റ്റര്‍പീസ് എന്ന സിനിമയിലൂടെയാണ് സന്തോഷ് പണ്ഡിറ്റ് മുഖ്യധാര സിനിമയിലേക്കെത്തുന്നത്. കോളേജ് പശ്ചാതലത്തിലൊരുങ്ങുന്ന സിനിമയിലെ സന്തോഷിന്റെ ലുക്ക് പുറത്ത് വന്നിരിക്കുകയാണ്. കളര്‍ഫുള്‍ ഷര്‍ട്ടും പാന്റസും ഒപ്പം ലെന്‍സ് കൂടുതലുള്ള കുപ്പി ഗ്ലാസും വെച്ച് നില്‍ക്കുന്ന സന്തോഷിന്റെ ചിത്രമാണ് പുറത്ത് വിട്ടിരിക്കുന്നത്.
മമ്മൂട്ടിയുടെ മാസ്റ്റര്‍പീസ് എന്ന സിനിമയിലൂടെ നടന്‍ സന്തോഷ് പണ്ഡിറ്റ് മുഖ്യധാര സിനിമകളുടെ ഭാഗമായിരിക്കുകയാണ്. സിനിമയില്‍ സന്തോഷ് ഉണ്ടെന്നുള്ള കാര്യം ആദ്യമെ പുറത്ത് വന്നിരുന്നെങ്കിലും അദ്ദേഹത്തിന്റെ കഥാപാത്രമെന്താണെന്നുള്ള കാര്യം പറഞ്ഞിട്ടില്ലായിരുന്നു.
എല്ലാവരും അകറ്റി നിര്‍ത്തിയ താരമായിരുന്നെങ്കിലും മമ്മൂട്ടി ചേര്‍ത്ത് പിടിക്കുകയായിരുന്നു. ശേഷം മമ്മൂക്കയ്ക്കൊപ്പം അഭിനയിക്കുന്നതിനുള്ള സന്തോഷം പങ്കുവെച്ച് മുമ്പും ലൊക്കേഷനില്‍ നിന്നും സന്തോഷ് പണ്ഡിറ്റ് ചിത്രങ്ങള്‍ പുറത്ത് വിട്ടിരുന്നു.
അജയ് വാസുദേവ് സംവിധാനം ചെയ്യുന്ന മാസ്റ്റര്‍പീസ് ഒരു മാസ് എന്റര്‍ടെയിന്‍മെന്റ് സിനിമയായിട്ടാണ് നിര്‍മ്മിക്കുന്നത്. ചിത്രം ക്രിസ്തുമസ് റിലീസായിട്ടാണ് തിയറ്ററുകളിലേക്ക് എത്തുന്നത്.

Comments

comments