Daily Latest News from Kanhangad, Kasaragod, Nileshwaram, Panathur, Konnakkad Parappa, Periya, Kanhangad Vartha Janmadesam News,kanhangad railway station, Latest News, kvatha SN Polytechnic, NMIT Nileshwaram, Nithyananda,Ananda Ashramam kanhangad to kozhikode train time

വാഹനം ഇടിച്ച് വീണ യുവാവിന്റെ ദേഹത്ത് ലോറി കയറിയിറങ്ങി; തല്‍ക്ഷണം മരണം


ഉദുമ: കെ.എസ്.ടി.പി റോഡരികിലൂടെ നടന്നുപോവുകയായിരുന്ന യുവാവ് അജ്ഞാത വാഹനം ഇടിച്ച് മരിച്ചു. പള്ളിക്കര കല്ലിങ്കാലില്‍ താമസക്കാരനും ബീഹാര്‍ സ്വദേശിയുമായ ലോല്‍ടു സദെയുടെ മകന്‍ മനോജ് സദെ (40)യാണ് മരിച്ചത്. ഇന്നലെ രാത്രി 8.30 മണിയോടെയാണ് അപകടം.
കോട്ടക്കുന്നിനും പള്ളിക്കര ടോള്‍ ബൂത്തിനും ഇടയിലായിരുന്നു അപകടം. ഏതോ വാഹനം തട്ടി റോഡിലേക്കിട്ട യുവാവിന്റെ ശരീരത്തുകൂടി പിന്നാലെ വന്ന ലോറിയും കയറി ഇറങ്ങി. രണ്ടു വാഹനങ്ങളേയും തിരിച്ചറിയാന്‍ കഴിഞ്ഞിട്ടില്ല. ബേക്കല്‍ പോലീസ് സ്ഥലത്തെത്തി ഛിന്നഭിന്നമായിപ്പോയ മൃതദേഹം കാഞ്ഞങ്ങാട് ജില്ലാ ആശുപത്രിയിലേക്ക് മാറ്റി.
കാഞ്ഞങ്ങാട് നിന്നെത്തിയ അഗ്‌നി രക്ഷാ സേനയിലെ ജീവനക്കാരാണ് റോഡ് കഴുകി വൃത്തിയാക്കിയത്. മരിച്ചാളെ കുറിച്ചുള്ള കൃത്യമായ വിവരങ്ങള്‍ കിട്ടിയ ശേഷം കേസ് രജിസ്റ്റര്‍ ചെയ്യുമെന്ന് ബേക്കല്‍ പോലീസ് അറിയിച്ചു. അപകടം വരുത്തിയ വാഹനങ്ങള്‍ കണ്ടെത്താന്‍ സി സി ടി വി ദൃശ്യങ്ങള്‍ പോലീസ് പരിശോധിക്കുന്നുണ്ട്.

Comments

comments