Daily Latest News from Kanhangad, Kasaragod, Nileshwaram, Panathur, Konnakkad Parappa, Periya, Kanhangad Vartha Janmadesam News,kanhangad railway station, Latest News, kvatha SN Polytechnic, NMIT Nileshwaram, Nithyananda,Ananda Ashramam kanhangad to kozhikode train time

റദ്ദാക്കിയ പാസ്‌പോര്‍ട്ടുമായി അറസ്റ്റ് വാറണ്ടുള്ള നീരവ് മോദി വിമാനത്തില്‍ ചുററികറങ്ങുന്നു


ലണ്ടന്‍: ഇന്ത്യന്‍ പാസ്‌പോര്‍ട്ട് റദ്ദാക്കിയെങ്കിലും പഞ്ചാബ് നാഷണല്‍ ബാങ്കില്‍ നിന്നും കോടികള്‍ തട്ടിച്ച കേസില്‍ രാജ്യം വിട്ട വജ്ര വ്യാപാരി നീരവ് മോദി വിമാനത്തില്‍ വിവിധ രാജ്യങ്ങള്‍ സന്ദര്‍ശിക്കുന്നതായി റിപ്പോര്‍ട്ട്. ബ്രിട്ടണില്‍ രാഷ്ട്രീയ അഭയം തേടിയേക്കുമെന്ന വാര്‍ത്തകള്‍ക്കിടയിലാണ് നീരവ് മോദി ബ്രിട്ടണ്‍, അമേരിക്ക, ഹോങ്കോംഗ് എന്നീ രാജ്യങ്ങള്‍ സന്ദര്‍ശിച്ചതെന്നാണ് വിവരം. തന്റെ പേരിലുള്ള സിംഗപ്പൂര്‍ പാസ്‌പോര്‍ട്ട് ഉപയോഗിച്ചാണ് ഇയാളുടെ യാത്രകളെന്നാണ് കരുതുന്നത്.
രാഷ്ട്രീയ അഭയം തേടിയേക്കുമെന്ന വാര്‍ത്തകള്‍ക്ക് പിന്നാലെ നീരവ് മോദിക്കെതിരെ റെഡ് കോര്‍ണര്‍ നോട്ടീസ് പുറപ്പെടുവിക്കണമെന്ന് ഇന്റര്‍പോളിനോട് സി.ബി. ഐ ആവശ്യപ്പെട്ടിരുന്നു. നീരവ് മോദിക്കെതിരെയും കുടുംബാംഗങ്ങള്‍ക്കെതിരെയും മുംബൈയിലെ സാമ്പത്തിക കുറ്റകൃത്യങ്ങള്‍ മാത്രം പരിഗണിക്കുന്ന കോടതി അറസ്റ്റ് വാറണ്ടും പുറപ്പെടുവിച്ചിരുന്നു. എന്നാല്‍ ഇതിനെയെല്ലാം വെട്ടിച്ചാണ് കഴിഞ്ഞ ദിവസം ഇയാള്‍ ബ്രസല്‍സിലേക്ക് പറന്നത്. കഴിഞ്ഞ മാര്‍ച്ച് 31ന് ശേഷം ഇയാള്‍ ഇന്ത്യന്‍ പാസ്‌പോര്‍ട്ട് ഉപയോഗിക്കുന്നില്ലെന്ന് ഇന്റര്‍പോള്‍ അറിയിച്ചിട്ടുണ്ടെന്ന് ഇന്ത്യന്‍ വിദേശകാര്യ മന്ത്രാലയ വൃത്തങ്ങള്‍ പറഞ്ഞു. അങ്ങനെയാണെങ്കില്‍ നീരവ് മോദി തന്റെ സിംഗപ്പൂര്‍ പാസ്‌പോര്‍ട്ട് ഉപയോഗിച്ചാണ് യാത്ര ചെയ്യുന്നതെന്നാണ് കരുതേണ്ടത്. ഇക്കാര്യത്തില്‍ സിംഗപ്പൂര്‍ സര്‍ക്കാരിനോട് അഭ്യര്‍ത്ഥ നടത്താനല്ലാതെ ഇന്ത്യയ്ക്ക് ഒന്നിനും കഴിയില്ലെന്നും മന്ത്രാലയ വൃത്തങ്ങള്‍ കൂട്ടിച്ചേര്‍ത്തു. അതേസമയം, നീരവ് മോദി വ്യാജ ഇന്ത്യന്‍ പാസ്‌പോര്‍ട്ട് ഉപയോഗിക്കുന്നുണ്ടോയെന്നും ലണ്ടനിലെ ഇന്ത്യന്‍ ഹൈക്കമ്മിഷന്‍ ഉദ്യോഗസ്ഥര്‍ക്ക് സംശയമുണ്ട്. പണം കൊടുത്താല്‍ എന്തും വാങ്ങിക്കാന്‍ കഴിയുമെന്നും സിംഗപ്പൂര്‍ പാസ്‌പോര്‍ട്ടിനേക്കാള്‍ വ്യാജ ഇന്ത്യന്‍ പാസ്‌പോര്‍ട്ട് നിര്‍മിക്കുന്നത് എളുപ്പമാണെന്നും ഒരു ഉേദ്യാഗസ്ഥന്‍ പ്രതികരിച്ചു. നീരവ് മോദി ഏത് പാസ്‌പോര്‍ട്ടാണ് ഉപയോഗിച്ചതെന്ന് ബ്രിട്ടീഷ് എമിഗ്രേഷന്‍ ഉേദ്യാഗസ്ഥര്‍ക്ക് മാത്രമേ അറിയാന്‍ കഴിയൂ എന്നും അദ്ദേഹം കൂട്ടിച്ചേര്‍ത്തു.

Comments

comments