Daily Latest News from Kanhangad, Kasaragod, Nileshwaram, Panathur, Konnakkad Parappa, Periya, Kanhangad Vartha Janmadesam News,kanhangad railway station, Latest News, kvatha SN Polytechnic, NMIT Nileshwaram, Nithyananda,Ananda Ashramam kanhangad to kozhikode train time

ബി.ജെ.പി പ്രാദേശിക നേതാവിന് വെട്ടേറ്റു


കണ്ണൂര്‍: കുളം ബസാറിലെ ഓട്ടോ ഡ്രൈവറും മുഴപ്പിലങ്ങാട് പഞ്ചായത്ത് ബി.ജെ.പി സെക്രട്ടറിയുമായ ടി. സന്തോഷിന് (49) വെട്ടേറ്റു.
കെട്ടിനകത്തിനടുത്ത് പാച്ചാക്കര റോഡില്‍ ഇന്നലെ രാത്രി എട്ടരയോടെയാണ് സംഭവം. ജോലി കഴിഞ്ഞ് ഓട്ടോറിക്ഷ കെട്ടിനകം പള്ളിക്ക് സമീപം ഉടമയുടെ വീട്ടില്‍വെച്ച് തിരികെ സൈക്കിളില്‍ കുളംബസാറിലെ വീട്ടിലേക്ക് പോകുംവഴി പിറകില്‍നിന്ന് അക്രമികള്‍ തലക്കടിച്ചുവീഴ്ത്തിയ ശേഷം വെട്ടുകയായിരുന്നുവെന്നാണ് മൊഴി.
വിവരമറിഞ്ഞ് സ്ഥലത്തെത്തിയ എടക്കാട് പൊലീസാണ് പരിക്കേറ്റ സന്തോഷിനെ തലശ്ശേരി ഇന്ദിരഗാന്ധി ആശുപത്രിയില്‍ എത്തിച്ചത്. തലക്കും കൈക്കും കാലിനുമാണ് പരിക്ക്. ആക്രമണത്തിനുപിന്നില്‍ ആരാണെന്ന് വ്യക്തമായിട്ടില്ലെന്ന് എടക്കാട് പൊലീസ് പറഞ്ഞു. സംഭവസ്ഥലത്ത് കനത്ത പോലീസ് സംഘത്തെ നിയോഗിച്ചിട്ടുണ്ട്.

Comments

comments