Daily Latest News from Kanhangad, Kasaragod, Nileshwaram, Panathur, Konnakkad Parappa, Periya, Kanhangad Vartha Janmadesam News,kanhangad railway station, Latest News, kvatha SN Polytechnic, NMIT Nileshwaram, Nithyananda,Ananda Ashramam kanhangad to kozhikode train time

‘രാത്രി ജീവിതം’ പ്രോത്സാഹിപ്പിക്കുന്നത് പരിഗണനയിലെന്ന് അല്‍ഫോണ്‍സ് കണ്ണന്താനം


ന്യൂഡല്‍ഹി: രാജ്യത്ത് രാത്രികാലങ്ങളില്‍ റെസ്‌റ്റോറന്റുകളും മാര്‍ക്കറ്റുകളും തുറന്ന് പ്രവര്‍ത്തിക്കാന്‍ അനുവദിക്കുന്നത് ടൂറിസം മന്ത്രാലയത്തിന്റെ പരിഗണനയിലുണ്ടെന്ന് മന്ത്രി അല്‍ഫോണ്‍സ് കണ്ണന്താനം. ടൂറിസത്തെ പ്രോത്സാഹിപ്പിക്കുന്നതിന്റെ ഭാഗമാണിത്. അതേ സമയം രാത്രി ജീവീതം എന്നത് കൊണ്ട് ഉദ്ദേശിക്കുന്നത് നെറ്റ് ക്ലബ്ബ് മാത്രമല്ല ആരോഗ്യപരമായ വിനോദമാണെന്നും അദ്ദേഹം പറഞ്ഞു.
സൂര്യാസ്തമയത്തിന് ശേഷം സ്മാരകങ്ങളെ ചുറ്റിപ്പറ്റിയുള്ള വിനോദ പരിപാടികള്‍ ആവശ്യമാണ്. രാത്രികളില്‍ സ്മാരകങ്ങളെ പ്രകാശപൂരിതമാക്കി വിനോദസഞ്ചാരികളെ ആകര്‍ഷിക്കുന്നതിനുള്ള പദ്ധതിക്ക് മന്ത്രാലയം തുടക്കമിടും. 24 മണിക്കൂറും വരുമാനം ലഭിക്കുന്ന ആരോഗ്യപരമായ ടൂറിസത്തെയാണ് മന്ത്രാലയം പ്രോത്സാഹിപ്പിക്കുക.
നമ്മള്‍ അഭിവൃദ്ധിപ്പെടുത്തുന്ന രാത്രി ജീവിതത്തിന്റെ ഒരു ചെറിയ ഭാഗം മാത്രമാണ് നെറ്റ് ക്ലബ്ബുകള്‍. വിനോദ സഞ്ചാരികള്‍ വൈകുന്നേരം ഏഴുമണിക്ക് ശേഷം അവരുടെ മുറികളിലേക്ക് മടങ്ങുന്ന പ്രവണത മറികടക്കണം. ഷോപ്പിങ്, ഭക്ഷണ ശാലകള്‍ എന്നിവയിലൂടെ ശുദ്ധമായ ഒരു വിനോദ സാഹചര്യമുണ്ടാക്കും. സ്മാരകങ്ങളിലെ സന്ദര്‍ശകരുടെ ടിക്കറ്റുകള്‍ വഴി ഇപ്പോള്‍ നമുക്ക് കാര്യമായ വരുമാനമുണ്ടാക്കാനാകുന്നില്ല. രാത്രികളില്‍ ഇതിന് ചുറ്റും പരിപാടികള്‍ സംഘടിപ്പിച്ച് വരുമാനമുണ്ടാക്കാനാകുമെന്നും കണ്ണന്താനം പറഞ്ഞു.
സൂര്യാസ്തമയത്തിന് ശേഷം സ്മാരകങ്ങള്‍ തുറക്കുന്നതിനും സംരക്ഷണം നല്‍കുന്നതിനും ആര്‍ക്കിയോളജിക്കല്‍ സര്‍വേ ഓഫ് ഇന്ത്യയുമായി മന്ത്രാലയം ചര്‍ച്ച നടത്തി വരികയാണെന്ന് ടൂറിസം സെക്രട്ടറി രശ്മി വര്‍മ്മ പറഞ്ഞു. ലോക ടൂറിസം എക്‌സബിഷനില്‍ പങ്കെടുത്ത ശേഷം മാധ്യമങ്ങളോട് സംസാരിക്കുകയായിരുന്നു ഇരുവരും. ജര്‍മനിയില്‍ നടന്ന എക്‌സിബിഷനില്‍ ഇന്ത്യക്ക് മികച്ച പ്രദര്‍ശക അവാര്‍ഡ് ലഭിച്ചെന്നും ഇരുവരും അറിയിച്ചു.

Comments

comments